“Бундан ёмони бўлиши мумкин эмас”. “Бавария”—”Реал” учрашувини бошқарган ҳакам экспертлар томонидан танқид қилинди

Ижтимоий тармоқларда футбол ҳакамларининг фаолиятини таҳлил қилувчи Archivo VAR “Бавария” — “Реал” ўртасидаги учрашувни бошқарган рефери Славко Винчичга энг паст баҳо берди. Словениялик ҳакам Archivo VAR томонидан 10 дан 1 баллга лойиқ кўрилди.

“Славко Винчичдан навбатдаги ҳалокатли ҳакамлик. Бундан ёмони бўлиши мумкин эмасди. Анчадан бери муҳим ўйинларни уддалай олмаётган словениялик ҳакам барча мумкин бўлган эпизодларни ўтказиб юборди. У иккита жиддий хатога йўл қўйиб, иккита голга сабабчи бўлиб қолди, Камавингга тўпни бир неча сония ушлаб тургани учун иккинчи сариқ карточка тақдим этди - бу ҳаракат учун Чемпионлар Лигасида ҳеч қачон ўйинчи четлатилмайди ва анча аниқроқ тўқнашувларни эътиборсиз қолдириб, кичик тўқнашувлар учун қоидабузарликларни қайд этди. Бу ҳалокат!”, – деб ёзади Archivo VAR.

Эслатиб ўтамиз, ЕЧЛ нимчорак босқичида “Бавария” ҳамда “Реал” тўқнаш келишди. Икки ўйин ҳисобига кўра, мюнхенликлар 6:4 ҳисобида зафар қучишди.