Бундеслига. "Бавария" йирик ҳисобда ғалаба қозониб, турнир жадвалида ўз ўрнига қайтиб олди

Бундеслигада 22-турнинг марказий баҳси "Бавария" - "Унион Берлин" учрашуви яунгланди. Мюнхеликлар 3:0 ҳисобида ғалаба қозониб, муҳим бўлган 3 очкони қўлга киритди.

Дастлаб, Шупо-Мотинг 31-дақиқада рақиб дарвозасини ишғол қилиб, ҳисобни очди. 40-дақиқада Коман орадаги фарқни иккитага етказган бўлса, Мусиала орадан 5 дақиқа ўтар-ўтмас ҳисобни йириклаштирди.

Шу тариқа, "Бавария" турнир жадвалида яна биринчи ўринга қайтди. Клуб "Боруссия" Дортмунд билан бир ҳил 46 очко тўплаган ҳолда бормоқда.