Бундеслига. Бугун "класико" бўлиб ўтади!
Томонлар учун очко сув ва ҳаводек зарур.
Бугун Германия Бундеслигаси "класико"си бўлиб ўтади. 24-турдан ўрин олган марказий учрашувда "Бавария" ҳамда "Боруссия" Дортмунд ўзаро муносабатларга ойдинлик киритиб олади.
Ушбу беллашув турнир жадвали нуқтаи назарида, ҳам анча муҳим ҳисобланади. Сабаби, ғалаба қозонган тақдирда, мюнхенликлар ҳисобидаги очколар сонини 55 тага етказиб олади ва изма-из таъқиб қилиб келаётган "РБ Лейпциг"га етиб олиш имкониятини қолдирмайди. Аксинча, "асаларилар" меҳмонда 3 очко олса, кучли тўртликка кириб олиш имконияти мавжуд.
"Немис класикоси" Тошкент вақти билан 22:30 да старт олиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар