Бундеслига. ЕЧЛдан чиқиб кетган "Бавария" "Майнц" дарвозасига жавобсиз 6 гол киритди

Мюнхендаги "Альянц-Арена" стадионида кечган учрашувда мезбонлар рақиб дарвозасига жавобсиз 6 та тўп киритишди. Голларга Роберт Левандовски, Хамес Родригес (2 та), Кингсли Коман (2 та) ва Альфонсо Дэвислар муаллифлик қилишди.

Шу тариқа ЕЧЛдаги юришини 1/8 финалдаёқ якунлаган Нико Ковач шогирдлари ўз очколари сонини 60 тага етказиб олди кўшимча кўрсаткичларга кўра, "Боруссия" Дортмундни ортда қолдирган ҳолда турнир жадвалида пешқадамлик қилмоқда.