Мундиалдан кейин яна бир футболчи терма жамоадан кетди

Германия терма жамоаси дарвозабони Мануэль Нойер эндиликда миллий жамоа шарафини ҳимоя қилмайди. У жаҳон чемпионати плей-офф босқичида Парагвайга қарши мағлубиятдан сўнг халқаро фаолиятини якунлаш қарорини қабул қилди.

– Жуда афсуски, ҳаммаси айнан шундай якунланяпти… – дея таъкидлаган Нойернинг сўзларини журналист Фабрицио Романо келтирган.

Германия жаҳон чемпионатини E гуруҳида бошлаб, биринчи ўринни эгаллади ва олти очко тўплади. Жамоа дастлаб Кюрасао дарвозасини 7:1 ҳисобида ишғол этди, шундан сўнг Кот-д’Ивуар устидан 2:1 ҳисобида ғалаба қозонди. Гуруҳ босқичининг сўнгги учрашувида эса Эквадорга 1:2 ҳисобида мағлуб бўлди. Плей-оффда немислар Парагвайга қарши майдонга тушиб, пенальтилар сериясида мусобақани тарк этди.

Мануэль Нойер Германия терма жамоаси сафида 2009 йилдан бери ўйнаб келаётган эди. У умумий ҳисобда миллий жамоа таркибида 128 та ўйин ўтказди. 2014 йилда эса Германия билан бирга жаҳон чемпиони бўлган.