Бундеслига. Марказий ўйинда жанговар дуранг қайд этилди

Германия Бундеслигаси 21-туридан ўрин олган "Боруссия" Дортмунд - "Хоффенхайм" учрашуви ўз якунига  етди. Унда жанговар 2:2 ҳисоби қайд этилди.

Дастлаб, "асаларилар" юлдузи Санчо ҳисобни очди. Унинг голига меҳмонлар Ильхас Бебу ва Мунас Даббурнинг аниқ зарбалари эвазига жавоб қайтарди. 81-дақиқада катта саҳнага чиққан Эрлинг Холанд томонлар дурангга имзо чекишини таъминлади.

Шу тариқа, 1 очкодан бўлишиб олган жамоаларнинг турнир жадвалидаги ўрни ўзгаришсиз қолди. "Боруссия" онлайн жадвалда 6-ўринни эгаллаб турган бўлса, "Хоффенхам" 12-поғонада жойлашган.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'

  Рудининг узатмасидан кейин зарба берган Гачиновичнинг уриниши бироз ноаниқ кетди.

• 90+2'
  

  Мият Гачинович огоҳлантирилди.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Мунас Даббур ўз ўрнини Роберт Сковга бўшатиб берди.

• 85'
  

  Мунас Даббурга сариқ карточка кўрсатилди.

• 83'

  Ўйин кескин курашлар остида давом этмоқда.

• 81'
  

  ГОООООООООООООООЛЛЛЛЛЛЛЛЛЛЛЛЛ! "Боруссия" ҳисобни тенглаштирди!

  Бирга-бир вазиятга чиқиб борган Холанд дарвозабонга имконият қолдирмади.

• 78'

  Майдон эгаларининг ҳужумлари тобора хавфлироқ тус олиб бормоқда.

• 75'

  Махмуд Дауднинг зарбасини дарвозабон ушлаб олди.

• 72'
  

  Стефан Пошга тиббий ёрдам кўрсатилмоқда.

• 70'

  Эмре Жаннинг узатмасидан кейин тўпни дарвозабон эгаллаб олди.

• 67'
  

  Рақибга нисбатан қўполлик ишлатгани учун Себастьян Руди огоҳлантирилди.

• 64'
  

  Кадерабек ўз ўрнини Гачиновичга бўшатиб берди.

• 61'
  

  Қоидага зид ҳаракат қилган Стефан Пош сариқ карточка ишлаб олди.

• 60'
  

  Ройс, Дауд ва Мукоко захирадан ўйинга ташланди. Улар ўрнига Рейна, Дилейни ҳамда Брандт майдондан олинди.

• 59'
  

  Холанднинг иккинчи голи ҳам ўйиндан ташқари ҳолат туфайли бекор қилинди. Ҳакам ВАРни кўриш орқали бунга ишонч ҳосил қилди.

• 57'
  

  Флориан Гриллич сариқ карточкага лойиқ кўрилди.

• 55'

  Рудининг узатмасини "Боруссия" ҳимояси узоқлаштирди.

• 53'

  Мунас Даббур огоҳлантирилиши мумкин эди. Ҳакам оҳзаки тушунтириш билан чекланди.

• 51'
  

  ГООООООООООООООООЛЛЛЛЛЛЛЛЛЛЛЛ! "Хоффенхайм" ҳисобда олдинга чиқиб олди!

  Бош билан зарба йўллаган Ильхас Бебу дарвозабонни ожиз қолдирди.

• 49'

  Рудининг зарбаси йўлига ҳимоячилар блок қўйишга муваффақ бўлди.

• 48'

  Ҳимояга қайтган Ҳоланд қоида бузишга мажбур бўлди. Ҳакам меҳмонлар фойдасига стандарт вазият белгилади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45'
  

  Биринчи таймга 2 дақиқа вақт қўшиб берилди.

• 43'

  Майдон марказида тўп Беллингемнинг қўлига тегиб кетди. Ҳакам ўйинни тўхтатди.

• 40'

  Ўйин тенг курашлар остида давом этмоқда.

• 38'

  Жиованни Рейнанинг узатмаси манзилга аниқ етиб бормади.

• 35'
  

  Бурчакдан етказиб берилган тўпни дортмундликлар узоқлаштирди.

• 34'

  Ильхас Бебунинг зарбасидан кейин тўп ҳимоячига тегган ҳолда майдонни тарк этди.

• 31'
  

  ГОООООООООООООООЛЛЛЛЛЛЛЛЛЛЛЛЛ! "Хоффенхайм" ҳисобни тенглаштирди!

  Рудининг узатмасидан кейин қулай имконият ҳосил қилган Мунас Даббур чап бурчакни ишғол этди.

• 29'
  

  Холанд ҳисобдаги фарқни оширди. Бироқ ҳакам голни инобатга олмади.

• 27'
  

  Себастьян Руди рақибга нисбатан ишлатилган қўполлик учун огоҳлантирилди.

• 24'
  

  ГОООООООООООООООООЛЛЛЛЛЛЛЛЛЛЛЛ! "Боруссия" ҳисобни очди!

  Санчо жамоасининг ажойиб комбинациясини гол билан якунлади.

• 23'

  Бебунинг бу сафарги уринишига аниқлик етишмади.

• 21'
  

  Рақибга нисбатан ишлатилган қўполлик учун Томас Дилейни огоҳлантирилди.

• 20'

  Кристоф Баумгартнер рақибига нисбатан қўполлик ишлатди. Ҳакам ўйинни тўхтатди.

• 18'

  Ильхас Бебуни "Боруссия" ҳимоячилари тўхтата олмади. Бироқ унинг зарбаси кучсиз чиқди.

• 15'

  Рақиб ҳужумини Матс Хуммельс қоида бузиш эвазига тўхтатиб қолди.

• 13'

  Рудининг узатмасидан кейин Хитцнинг йўллаган зарбаси баланддан ўтиб кетди.

• 10'

  Ҳоланд ҳисобни очиши мумкин эди. Бироқ унинг зарбасига куч етишмади.

• 8'

  Жамоадоши узатган тўпга Санчо бироз ета олмади.

• 6'

  "Асаларилар" тўп назоратини қўлга олишга ҳаракат қиляпти.

• 3'

  Илк дақиқалардан меҳмонлар фаол ўйин намойиш этмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!