Бундеслигага қайтган "Шальке"ни янги мавсумда қайси мураббий бошқариши аниқ

"Арминия" клубининг собиқ бош мураббийи Франк Крамер "Шальке"нинг янги бош мураббийи бўлади.

Kicker нашри хабарига кўра, томонлар меҳнат шартномасининг барча тафсилотларини ҳал қилишган ва  шартнома имзолангани ҳақида 7 июнь куни расман эълон қилиниши кутилмоқда.

50 ёшли немис мутахассиси шу йилнинг апрель ойида “Арминия” бош мураббийлигидан истеъфога чиқарилган эди. Айтиш керакки, у бу жамоада 1 йилдан ортиқроқ давр мобайнида фаолият юритди.

Эслатиб ўтамиз, “Шальке” бу мавсум иккинчи Бундеслигада ғолиб чиқди ва 34 ўйинда 65 очко тўплаган ҳолда Бундеслигага кўтарилди. Элитага йўл олган иккинчи клуб эса "Шальке"дан атиги икки очко ортда қолган "Вердер" бўлди. Учинчи ўрин “Гамбург”га насиб этди.