"Бунёдкор" бош мураббийи: "Икки жамоа ҳам бир хил тактикада ўйнади"

Ўзбекистон Кубоги гуруҳ босқичи доирасида “Нефтчи” – “Бунёдкор” (0:0) учрашувидан сўнг меҳмонлар бош мураббийи Мурод Отажонов фикрлари билан ўртоқлашди.

- Чиройли ўйин бўлганга ўхшайди. Бу Кубок ўйини эди. Бир томондан йигитларга раҳмат. Ёшларимизнинг кўпини синаб кўрдик. Мана шундай яхши жамоа билан баҳсда майдонга туширдик, қарасак келажагимиз яхши экан деб ўйладим. Кубок бошқача, чемпионат бошқача. Кубок – бу қисқа муддатли мусобақа. Ғалаба бўлганда ундан ҳам яхши бўларди. Дурангни ҳам яхши натижа деб ҳисоблайман. Бундан кейин яна ёшларга ишонч билдиришда давом этамиз. Ишончни оқлашяпти.

Иккала жамоа бир хил тактика бўйича ўйнади. Шахмат сингари кимдир тезроқ йўл топа олса ғалабага эришади. “Нефтчи” иккинчи рақам остида қарши ҳужумда ўйнашни бошлади. Биз ҳам шундай ҳаракат қилдик. Кўриб турибсизлар, натижа – 0:0. Бу тенг кучли жамоалар ўйнаганидан далолат.

Бунақа майдон билмадим яна қаерда бор? “Бунёдкор”да ҳам шундай. U20 Осиё чемпионатида “Бунёдкор”да ҳам, шу стадионда ҳам ўйнашди. “Пахтакор”ни ҳам майдони яхши.