"Бунёдкор" футболчиси "Навбаҳор"га ўтишга яқин

"Бунёдкор" билан амалдаги шартномаси якунланган ҳимоячи Дилшод Аҳмадалиев жамоасини ўзгартиришга яқин турибди.

SPORTS.UZ сайтига маълум бўлишича, ҳимоячи фаолиятини "Навбаҳор"да давом эттириши кутилмоқда. "Лочинлар" ўтган йили ҳам Аҳмадалиевни ўз сафига қўшиб олмоқчи бўлганди, бироқ "Бунёдкор" футболчини қўйиб юбормаганди.

Маълумотларга қараганда, ҳимоячи хизматига АГМК жамоаси ҳам қизиқиш билдирмоқда.

Маълумот учун, 26 ёшли ҳимоячи якунланган мавсумда 17та ўйинда майдонга тушиб, 1та гол урган ва шунча голга ҳаммуаллифлик қилган.