"Bunyodkor" futbolchisi terma jamoaga chaqirildi

Tojikiston milliy terma jamoasi 16 noyabr kuni safarda Qozog‘iston milliy terma jamoasiga qarshi o‘rtoqlik uchrashuvini o‘tkazadi.

Sports.uz orqali xabar berganimizdek, mazkur o‘yin uchun Tojikiston milliy terma jamoasiga Mubin Ergashev vaqtinchalik bosh murabbiy etib tayinlandi. Ushbu mutaxassis bo‘lajak bahs uchun 21 nafar o‘yinchini terma jamoaga chaqirdi. Ularning orasida “Bunyodkor”da o‘ynayotgan himoyachi Davron Ergashev ham bor.

U ishonchli o‘yinlari orqali asosiy tarkibdan mustahkam joy egallagan. Shuningdek, “Navbahor”dan Exsoni Panshanbe ham chaqiruv olganini qo‘shimcha qilish joiz.

Darvozabonlar: Shoxruh Qirg‘izboev, Muxriddin Hasanov (ikkisi – “Istiqlol”), Daler Azizov (“Regar-TadAZ”);

Himoyachilar: Davronjon Ergashev (“Bunyodkor”, O‘zbekiston), Tabrezi Davlatmir (“Narva Trans”, Estoniya), Vaxdat Xanonov, Manuchexr Safarov (ikkisi – “Persepolis”, Eron), Zoir Jo‘raboev (“Istiklol”), Alijon Karomatullozoda (TsSKA);

Yarim himoyachilar: Parvizjon Umarboev (“Lokomotiv”, Plovdiv, Bolgariya), Nuriddin Davronov (“Borneo”, Indoneziya), Exsoni Panjshanbe (“Navbahor”, O‘zbekiston), Muhammadjon Rahimov (“Ordabasi”, Qozog‘iston), Alisher Jalilov, Amirbek Jo‘raboev, Shervoni Mabatshoev (barchasi – “Istiqlol”), Karomatullo Saidov (“Xo‘jand”);

Hujumchilar: Shaxrom Samiev (“Torpedo-BelAZ”, Belarus), Sheriddin Boboev (“Penang”, Malayziya), Manuchexr Jalilov (“Istiqlol”), Jahongir Ergashev (“Esxata”).