"Бунёдкор" клуби "Рубин" билан ўртоқлик ўйинида майдонга тушди. Кўрикдаги футболчилар синовдан ўтказилди

Марат Мифтахуддинов мураббийлигидаги «Бунёдкор» бугун илк назорат учрашувини ўтказди. Бу ҳақда клуб матбуот хизмати хабар берди.

Мураббийлар штаби пойтахтнинг «Рубин» жамоасига қарши ўртоқлик ўйинида кўрикда бўлиб турган футболчиларнинг хизматидан фойдаланди. Шунингдек, ўринбосарлар таркибидан жалб қилинган ўйинчилар ҳам майдонга тушди.

Беллашувда «Рубин» ҳисобни очди. Иккинчи бўлимда тўлиқ янгиланган таркиб меҳмонлар дарвозасини уч бор ишғол қилди. Муслим Қурбонов дублини нишонлаган бўлса, яна бир голга Абдуқодир Ҳамралиев муаллифлик қилди. Беллашувдан сўнг, кўрикдаги аксар ўйинчиларга рухсат берилди.

Кўрикдаги футболчилар ўртоқлик учрашувида майдонга тушишидан аввал, ўтган мавсум жамоанинг асосини ташкил қилган ўйинчилар жисмоний юкламаларга асосланган машғулотларда қатнашди.

Ўртоқлик учрашуви

«БУНЁДКОР» - «РУБИН» - 3:1 (0:1)

11 январь. Тошкент. «Бунёдкор» академияси майдони.

Голлар: Муслим Қурбонов (2та), Абдуқодир Ҳамралиев

«Бунёдкор»: Равшан Ягудин, Жавоҳир Рўзиев, Исломжон Каримов, Ғайрат Азизхўжаев, Муҳаммадали Ғиёсов, Руслан Акчурин, Саидмаҳмудхон Ғуломов, Баҳодир Абдувалиев, Шамсиддин Саъдуллаев, Ислом Исмоилов.

Захирадагилар: Умид Ҳамроев, Баҳодир Даминов, Миржалол Мирсаитов, Муслим Қурбонов, Абдуллоҳ Маҳкамов, Нозим Рустамов, Ҳумоюн Шербўтаев, Арам Маркарян, Эмил Лелану, Абдуқодир Ҳамралиев.