Деку Португалияга келди: "Барса"га икки футболчини олиб кетмоқчи

«Барселона» ёзги трансфер ойнаси ёпилгунча янги марказий ҳужумчи олиш ниятида. «Атлетико Мадрид»дан аргентиналик форвард Хулиан Альваресни олиш бўйича уринишлар самара бермагани учун клуб раҳбарияти бошқа вариантларга ўтган.

RAC1 ва Sport нашрларининг хабар беришича, жума куни клубнинг спорт директори Деку Португалияга учиб кетган. У ерда у ким билан аниқ учрашиши режалаштирилгани очиқланмаган. 

Шу билан бирга, матбуотда каталонияликлар Португалия чемпионатида тўп сурётган бир қатор ҳужумчилар, жумладан «Спортинг» форварди Луис Суарес ва «Бенфика» ҳужумчиси Вангелис Павлидис билан қизиқаяётгани ҳақида маълумотлар пайдо бўлган.

Бундан олдин «Барселона» бош мураббийи Ханс-Дитер Флик жамоа ҳужум чизиғини кучайтириш масаласини Деку ҳал қила олишига ишонч билдирган эди.