"Bunyodkor" murabbiylar shtabiga yangi mutaxassis qo'shildi

"Bunyodkor" klubi murabbiylar shtabida navbatdagi o‘zgarish amalga oshirildi. Bu haqida klub matbuot xizmati xabar berdi.

"Ayni paytda Antaliyada o‘quv-yig‘in mashg‘ulotlarini o‘tkazayotgan asosiy jamoa murabbiylar shtabiga yana bir mahalliy mutaxassis qo‘shildi.

O‘z vaqtida O‘zbekiston milliy terma jamoasi hamda mamlakatimizning yetakchi klublari, jumladan "Bunyodkor" safida to‘p surgan Aleksey Nikolaev jamoa bosh murabbiyi Ilyos Zeytullaev boshchiligidagi murabbiylar shtabidan joy oldi", — deyiladi "qaldirgochlar" xabarida.

Ma’lumot uchun, avvalroq klub italyalik darvozabonlar murabbiyi Marko Nikodemo bilan shartnoma imzolagan edi.