"Бунёдкор"ни кимлар тарк этди?

Кеча Суперлиганинг 2-давраси старт олди.

Давралар оралиғида бошқа клублар қатори «Бунёдкор»да бир қатор ўзгаришлар рўй берди. Хусусан, бугунги кунга қадар "қалдирғочлар"ни тўрт футболчи тарк этди. Бу ҳақда клуб матбуот хизмати хабар берди.

Манбанинг маълум қилишича, уларнинг икки нафари мавсумнинг иккинчи қисмини ижара асосида бошқа клубда ўтказса, қолган икки нафари билан ўзаро келишилган ҳолда шартнома бекор қилинди. Жумладан, бош жамоадан Сардор Азимов «Андижон»га, «Бунёдкор-2»дан Аббос Жумақулов «Бухоро»га ижарага берилди. Биринчи даврани ижара асосида «Бунёдкор»да ўтказган Сергей Прохоров «Локомотив»га қайтиб кетди. Нодир Мавлонов эса, «Навбаҳор» билан шартнома имзолади.

Айтиш керак, Ўзбекистонда трансфер ойнаси 5 август куни ёпилишини инобатга оладиган бўлсак, жамоада ҳали яна ўзгаришлар рўй бериши мумкин.