Бутунжаҳон армия ўйинлари. Шунқор Абдурасулов финалда!

Хитойнинг Ухань шаҳрида Бутунжаҳон армия ўйинлари бўлиб ўтмоқда. Бокс бўйича ярим финалда ҳамюртимиз Шунқор Абдурасулов навбатдаги жангини ўтказди.

Терма жамоамиз вакилига ярим финалда россиялик Шахриёр Аҳмедов рақиблик қилди. 3 та ҳакам очколарни 30:27, 29:28, 29:28 кўринишида Абдурасуловнинг фойдасига ҳисоблаган бўлса, яна 2 та ҳакам 28:29 ва 27:30 кўринишидаги очколарни Россия терма жамоасининг боксчисини фойдасига ҳал қилди. Умумий кўринишда Абдурасулов 3:2 ҳисобида ғалабани қўлга киритди.

Маълумот учун, 26 октябрь куни Абдурасулов ярим финалнинг иккинчи жуфтлиги ғолиби билан олтин медаль учун рингга кўтарилади.