Butunjahon armiya o‘yinlari. Shunqor Abdurasulov finalda!

Xitoyning Uxan shahrida Butunjahon armiya o‘yinlari bo‘lib o‘tmoqda. Boks bo‘yicha yarim finalda hamyurtimiz Shunqor Abdurasulov navbatdagi jangini o‘tkazdi.

Terma jamoamiz vakiliga yarim finalda rossiyalik Shaxriyor Ahmedov raqiblik qildi. 3 ta hakam ochkolarni 30:27, 29:28, 29:28 ko‘rinishida Abdurasulovning foydasiga hisoblagan bo‘lsa, yana 2 ta hakam 28:29 va 27:30 ko‘rinishidagi ochkolarni Rossiya terma jamoasining bokschisini foydasiga hal qildi. Umumiy ko‘rinishda Abdurasulov 3:2 hisobida g‘alabani qo‘lga kiritdi.

Ma’lumot uchun, 26 oktyabr kuni Abdurasulov yarim finalning ikkinchi juftligi g‘olibi bilan oltin medal uchun ringga ko‘tariladi.