Buuum! Jahongir Zokirovning professional boksdagi debyut jangi sanasi ma’lum!

14 oktyabr kuni AQShning Texas shtatida professional boks oqshomi bo‘lib o‘tadi. Markaziy jangda qozog‘istonlik Janibek Alimxanuli va Vinchentso Gualteri ringga ko‘tariladi. Biz uchun ahamiyatli jihati, yosh iste’dod egasi, og‘ir vazn toifasidagi vakilimiz Jahongir Zokirov ham professional boksda debyut jangini o‘tkazadi.

Biz ushbu voqelik munosabati bilan bokschimizning fikrlariga quloq tutdik.

-Tayyorgarliklar yaxshi. Hozircha raqib aniq bo‘lgani yo‘q. Agar raqib topilsa, professional boksdagi faoliyatimni ham boshlayman.

Eslatib o‘tamiz, Jahongir Zokirov yoshlar o‘rtasida Jahon va Osiyo chempioni, ko‘p karra O‘zbekiston chempionati g‘olibi hisoblanadi.