"Бухоро" иккинчи давра олдидан янги футболчиларини таништирди

Cоcа-Cоlа Суперлиганинг 2-даврасида муносиб иштирок этишни мақсад қилган “Бухоро” янги келиб қўшилган футболчиларни кенг оммага таништирди.

Клуб мураббийлари, мухлис ва мутахассислар, вилоят маъсуллари иштирок этган мазкур тадбирда вилоят ҳокимининг ўринбосари Мирали Хамраев сўзга чиқиб ўз фикрларини билдириб ўтди.

“Ўйлайманки, мавсум оралиғида клубга янги келиб қўшилган футболчилар тезда жамоага мослашиб, клуб раҳбарияти ва мухлислар ишончини оқлашади. Бу учун улар бор куч, маҳорат ҳамда имкониятларини ишга солишади. 34 йиллик шонли тарихга эга бўлган, вақтида олий лигада совринли ўринлар учун курашган жамоанинг тарихини тиклашимиз зарур”.

Шундан сўнг давралар оралиғида келиб қўшилган футболчиларга клуб либослари топширилди:

2. Иззатилло Пўлатов

7. Муҳаммаджон Раҳимов

8. Аслиддин Турсунпўлатов

9. Жасур Холтўраев

11. Шохруз Норхонов

15. Диёр Ортиқбоев

22. Маҳмуд Жўрабоев

27. Шохжаҳон Хайруллоев

50.  Лука Кукич

77. Асилбек Қаюмов

94. Фране Икич

Эслатиб ўтамиз “Бухоро” навбатдаги учрашувни 27 июль 20:00 да “Турон” жамоасини қабул қилади. Мазкур учрашувга барча футболсевар мухлисларни стадионга таклиф этамиз.

“Бухоро” матбуот хизмати.