“Бухоро” клуби 3 январь санасидан янги мавсумга ҳозирликларни бошлаган эди. Бу ҳақда ПФЛ матбуот хизмати хабар бермоқда.

Жамоа ўз қароргоҳида машғулотларни давом эттирмоқда. Бахтиёр Ашурматов бошчилигида олиб борилаётган тайёргарлик жараёни 15 январга қадар давом этиши кўзда тутилган. Сўнгра бухороликларнинг йиғини Тошкентга кўчади. Жамоа режага кўра, 18-31 январь оралиғида пойтахтда шуғулланади.

Тошкент йиғини доирасида “Бухоро” 4 та ўртоқлик ўйини ўтказишни режалаштирган. Унга кўра, “Сурхон”, “Андижон”, “Бунёдкор” ва “Сўғдиёна” жамоаларига қарши ўртоқлик учрашувлари ташкил этилади.