Шавкат Мирзиёев: "Умрини пахта даласида ўтказган болалар энди Жаҳон чемпионатига чиқди"

Ўзбекистон Республикаси президенти Шавкат Мирзиёев бутун юртимиз ёшларини қутлуғ айём – Ёшлар куни билан самимий муборакбод этди. Шунингдек, Ўзбекистон миллий терма жамоамизнинг Жаҳон чемпионатига чиққанини ҳам эслаб ўтди.

"Яқинда бутун юртимизда барчамиз узоқ кутган катта футбол байрами бўлиб ўтди. Халқимизнинг 34 йиллик орзуси ушалди – миллий терма жамоамиз тарихда илк бор Жаҳон чемпионати йўлланмасини қўлга киритди. 

Яқин-ақингача умрини пахта даласида ўтказган оддий оила фарзандлари илмда, спортда, бошқа соҳаларда бундай юксак марраларни эгаллашини тасаввур қилиш ҳам қийин эди. 
  
Биз ёшларимиз учун шароит яратдик, улар бундан унумли фойдаланиб, баланд чўққиларни забт этмоқда", - деди давлатимиз президенти Шавкат Мирзиёев.