CAFA. "Икки ҳафта ичида барча иштирокчилар аниқ бўлади, қуръа май ойининг бошларига белгиланган"

Тожикистон футбол федерацияси матбуот котиби Фаридун Салиев CAFA турнири ҳақида фикр билдирди. Мазкур мусобақада  8 та миллий терма жамоа иштирок этади. 

"Яқин икки ҳафта ичида Марказий Осиё футбол ассосацияси турнир иштирокчиларининг якуний таркибини аниқлаши керак. Билишимча, қуръа ташлаш маросими май ойининг бошларига белгиланган. Ҳозирча Россия терма жамоасининг иштироки ҳақида хабар йўқ",- дейди Салиев.

Мусобақа доирасида Ўзбекистон, Тожикистон, Қирғиз Республикаси, Эрон, Афғонистон ва Туркманистон термалири аниқ ўйнайди. Шунингдек, Россия ва Хитой термалари ҳам таклиф этилиши мумкин.