Чалханоглу бўлажак ўйинда "Милан"га ёрдам беролмайди

“Милан” ярим ҳимоячиси Хакан Чалханоглу 18 январь куни “Кальяри”га қарши бўладиган ўйинни ўтказиб юбориши мумкин.

Sky Sport Italia нашри тарқатган хабарга қараганда, Чалханоглунинг ушбу беллашувда майдонга тушмаслик эҳтимоли 99,9 фоизни ташкил этади. Боиси, туркиялик футболчи охирги икки кундан буён “россонерилар” машғулотларида иштирок этмаяпти.

Хакан Чалханоглу жорий мавсум “Милан” сафида 21 та ўйинда майдонга тушди ва 6 та гол ҳамда 9 та голли узатмага муаллифлик қилди.