Чалханоглу "Милан" таклиф қилаётган маошдан икки баробар кўпроқ талаб қилмоқда

"Милан" раҳбарияти туркиялик ярим ҳимоячи Хакан Чалханоглу билан шартномани узайтириш масаласида келиша олмаяпти.

Sky Sport Italia нашри тарқатган хабарга қараганда, томонлар маош масаласида ўзаро бир қарорга кела олмаяпти. Чалханоглу йилига 7 млн евро маош сўрамоқда, аммо “россонерилар” унга 3,5 млн евро таклиф қилмоқда. Айтиш керакки, 26 ёшли футболчининг ҳозирги маоши 2,5 млн еврони ташкил этади.

Чалханоглунинг "Милан" билан амалдаги шартномаси ёзда ниҳоясига етади. Унга "Ювентус", "Интер", "Атлетико" ва "Манчестер Юнайтед" клубларидан таклиф бўлмоқда.