Чарльз Оливейра: "Мен яна чемпионга айланаман!".

Енгил вазнда собиқ чемпион бразилиялик Чарльз Оливейра (33-9, 1NC) октагонга қайтишидан олдигги кайфияти ҳақидаги саволларга жавоб берди:

"Уч ойлик таътилда жуда кўп атрофдаги нарсалардан завқландим. Фаолиятимни бошлабоқ ҳали таътил нималигини билмаганман. 10 ёки 11 ёшимда яккакураш спортининг ичига шўнғиган бўлсам, 33 ёшимга кирибгина озгина дам олдим!"

"Ҳамма нарса ҳақида жуда кўп бош қотирдим. Эришган ва эришолмаган ютуқларимга назар солдим. Бразилиянинг ташландиқ фавелаларидан жаҳонга чиқиб чемпионга айланиш унутилмас натижа. Балким, энди тўхтатарман, балким, ўзим эришишим керак бўлган натижага етишгандирман?!"

"Йўқ, ҳали ҳеч нимага эришилмади. Кўп хатоларимни тўғирлашим ва яна чемпион бўлишим шарт ва мен бунга аминман!"

Эслатиб ўтамиз, Чарльз 10-июнь санасидаги UFC 289: Nunes vs. Aldana турнири доирасида эронлик Бенил Дариушга (22-4-1) қарши жангда яна октагонга қайтади.