"Челси" - "Бёрнли": Матнли трансляция

Англия Премьер-Лигаси 21-туридан ўрин олган "Челси" - "Бёрнли" баҳси бошланиш арафасида. Уни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.

• 90+4'
  

  Учрашув якунланди! Матнли трансляция Абдулла Маннонов томонидан олиб борди. Эътиборингиз учун раҳмат!

• 90+2'
  

  Вернер офсайдда қолиб кетди.

• 90+'
  

  4 дақиқа вақт қўшиб берилди.

• 90'

  Рис Жеймс жарима майдончаси ичига тўпни узатди, бироқ ҳимоячилар фаол ўйнади.

• 87'
  

  Мумбонго офсайдда қолиб кетди.

• 84'
  

  ГООООООООООООООООЛЛЛ!!! Алонсо жарима майдончаси ичида тўпни қабул қилиб олди ва ажойиб зарбаси билан дарвозани ишғол қилди!   2-0!

• 83'

  Пулишичнинг зарбасини Ник Поуп қайтарди!

• 80'
  

  "Челси"да ўзгариш: Мейсон Маунт ўрнига Кай Хаверц майдонга тушди.

• 77'
  

  "Бёрнли"да ўзгариш: Жоэль Мумбонго ўрнига Робби Брейди ўйинга қўшилди.

• 75'

  Рис Жеймс жарима майдони марказида тўпни қабул қилиб олди ва кучли зарба берди! Тўп ҳимоячига тегиб майдон ташқарисига чиқиб кетди.

• 73'
  

  "Челси"да ўзгариш: Хадсон-Одои ўрнига Рис Жеймс ўйинга қўшилди.

• 71'

  Уххх!!! Пулишичччч!!! У ўта қулай вазиятдан унумли фойдалана олмади! Гол бўлиши мумкин эди.

• 69'

  Мейсон Маунт хавфли вазиятдан унумли фойдалана олмади. Тўп олдириб қўйилди.

• 66'

  Каллум Хадсон-Одои жарима майдончаси ичига узатма амалга оширди, ҳимоячилар уни узоқлаштиришди.

• 63'

  "Бёрнли" футболчиси Жек Корк қўпол подкати туфайли огоҳлантирилди.

• 62'
  

  Крис Вуд ўйинни давом эттира олмайди. Унинг ўрнига Йоханн Гудмунссон ўйинга қўшилди.

• 61'
  

  Крис Вуд майдонда тиббий ёрдам олмоқда.

• 60'
  

  Эшли Вествуд Вернерга нисбатан ўйин қоидасини бузганлиги боис сариқ карточка билан огоҳлантирилди.

• 59'

  Каллум Хадсон-Одои жарима зарбаси ичига тезлик билан ёриб кирди ва зарба берди! Тўп рикошетдан сўнг дарвоза устунига тегиб майдонни тарк этди!

• 58'
  

  "Бёрнли" аъзоси Дуайт МакНил бурчакдан тўпни ўйинга киритиб беради.

• 57'
  

  Ўзгариш: Матей Видра ўрнига Жей Родригес ўйинга қўшилди.

• 56'

  Эшли Вествуд дарвозага зарба берди, ҳимоячи уни қайтариб юборди. Ҳакам бурчакни кўрсатди.

• 54'

  "Челси" рақиб жарима майдони атрофида хавфли ҳужумлар ташкил этишмоқда.

• 51'
  

  Позицион ҳужум якунида Хадсон-Одои қанотдан тўпни жарима майдони марказидаги Вернерга етказди, Тимонинг бош билан берган зарбасини эса Поуп қайтарди!

• 50'
  

  Мейсон Маунт бурчакдан тўпни ажойиб тарзда ўйинга киритиб берди, дарвозабон тўпга ҳаммадан эрта эга чиқди.

• 48'
  

  Маунт бурчакдан тўпни ўйинга киритиб берди, ҳимоячилар фаол ўйнади.

• 47'

  Маркос Алонсо жарима майдончаси ичига тўпни узатди, Вернер берган зарбани ҳимоячи ташқарига чиқариб юборди.

• 46'
  

  "Челси" таймни ўзгариш билан бошлаб олди: Темми Абрахам ўрнига Кристиан Пулишич ўйинга қўшилди.

• 46'
  

  2-бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди! Ҳозирча, "Челси" устун. Танаффус.

• 45+1'

  Крис Вуд жарима зарбасидан тўпни ичкарига етказди, ҳимоячилар яхши жамоавий ўйин кўрсатиб тўпни узоқлаштиришди.

• 45+'
  

  Биринчи таймга 1 дақиқа вақт қўшиб берилди.

• 44'

  Мейсон Маунт ўз шериги Тимо Вернер билан "девор" услубида чиройли ўйнаб, рақибларини ортда қолдиришмоқда.

• 43'

  "Челси" тўпни назорат қилган ҳолда хавфли ҳужумлар ташкил этишда давом этмоқда.

• 40'
  

  ГОООООООООООООООООООООЛЛЛ!!! "Челси" ҳисобни очмоқда! Хадсон-Одоининг узатмасини Аспиликуэта дарвозага михлаб қўйди! 1-0!

• 38'

  Хадсон-Одоининг узатмаси блокланди.

• 36'

  Вернер худди боягидек зарба берди, бироқ унга яна куч етишмади. Поуп уни осонгина қайтарди.

• 35'

  "Бёрнли" қарши ҳужумга ўтиб кета олмади. Тўп аутга чиқиб кетди.

• 34'

  Маунттт!!! Жарима майдончаси марказидан туриб берилган зарба дарвозадан анчагина юқорилаб кетди!

• 34'

  Майдон марказида тўп учун кураш жиддий кечмоқда.

• 33'

  Тимо Вернер жарима майдончаси ичида 1 футболчини ортда қолдирди, бироқ якунда зарба беролмади. Поуп тўпни дарвозадан ўйинга киритиб беради.

• 32'

  Аспиликуэтанинг узатмасини Ник Поуп эгаллаб олди, Алонсо зарба бера олмади. Қарши ҳужум.

• 31'

  Зарбалар бўйича статистика: 7-0!

• 29'

  Маркос Алонсо жарима майдончаси ичига ажойиб узатма амалга оширди, бироқ Хадсон-Одои зарба бера олмади. Тўп "Бёрнли"га қайтди.

• 26'

  Маркос Алонсонинг бош билан берган зарбаси дарвозадан бироз юқорилаб кетди.

• 25'
  

  Меҳмонлар аъзоси Дуайт МакНилл офсайдда қолиб кетди.

• 23'

  "Бёрнли" футболчиси Метью Лоутоннинг жарима майдони ичига амалга оширган узатмаси хавфли вазият ҳосил қилди, бироқ Тиаго Силва қаҳрамонлик эвазига жамоасини сақлаб қолди.

• 20'

  "Челси" тўпни ўртача темпда назорат қилмоқда.

• 18'

  Абрахам ва Тарковски бир-бири билан тортишиб кетди, ҳакам уларни оғзаки огоҳлантирди.

• 17'

  Вернернинг жарима майдони ичига узатмаси омадсиз чиқди.

• 15'

  Маунт тўпни Ковачичга оширди, жарима майдони ташқарисидаги Матео эса кучли ва аниқ зарба берди, бироқ дарвозабон учун бу зарба қийинчилик туғдирмади.

• 14'
  

  Тимо Вернер жарима майдони чизиғи устидан зарба нуқтасига келди ва айланма зарба берди, Ник Поуп уни осонгина қайтарди.

• 13'

  Маунт ўткир бурчакдан жарима зарбасини ижро этди, иккинчи қаватда "Бёрнли" футболчилари устунроқ.

• 12'
  

  Маунт бурчакдан тўпни ўйинга киритди, ҳимоячилар уни қайтарди, Маунт тўп билан. Ҳимоячи унга нисбатан ўйин қоидасини бузди.

• 11'

  Каллум Хадсон-Одои жарима майдони ичида тўпни қабул қилиб олиб зарба берди, рикошетдан сўнг тўп майдонни тарк этди.

• 9'

  Маунт жарима майдони ичига узун кросс амалга оширди, бироқ ҳимоячилар уни қайтарди.

• 7'

  Мейсон Маунт жуда яхши ўйнади, дриблинг билан 2 футболчи ортда қолдирилди ва якунда берилган зарба дарвозанинг юқорисидан ўтиб кетди.

• 6'

  Хадсон-Одоининг жарима майдончаси ташқарисидан берган хавфли зарбасига аниқлик етишмади. Тўп дарвозадан ўйинга киритилади.

• 5'

  Матео Ковачич жарима майдончаси ичига ажойиб узатма амалга оширди, "Бёрнли" посбони Ник Поуп эса тўпга эрта эга чиқди.

• 4'

  "Челси" тўпни назорат қилмоқда. Позицион ҳужум майдон марказидан бошланяпти.

• 2'

  "Бёрнли" футболчиси Эшли Вествуд қўпол ўйин кўрсатди ва бош ҳакам жарима зарбаси белгилади.

• 1'
  

  Бош ҳакам ҳуштаги янгради ва ўйинга старт берилди. "Челси" футболчилари ўйинни бошлаб берди.

• 0'

  Футболчилар майдонга тушиб келишмоқда. Учрашув бошланиш арафасида.

• 0'

  Ассалому алайкум, қадрли футбол ихлосмандлари! Англия Премьер-Лигаси 21-туридан ўрин олган "Челси" - "Бёрнли" баҳсига хуш келибсиз. Сайтимиз уни сизга матнли кўринишда тақдим этади. Матнли трансляцияни Абдулла Маннонов олиб боради.