"Челси" "Аякс" хавбекини қўлга киритишга уринмоқда

"Челси" таркибни кучайтиришда давом этади. "Аристократлар" "Аякс" вакили Муҳаммад Қудусни сотиб олишга ҳаракат қилмоқда. Клуб ва футболчи ўртасида деярли келишувга эришилди, дея хабар бермоқда "The Athletic" нашри. 

Маълум бўлишича, Қудус ушбу ёзда топ клубга ўтишни истайди. У қишда ҳам жамоани тарк этишга қарор қилганди. Аммо яхши таклиф келмаган. "Эвертон" ярим ҳимоячига қизиқиб кўрди, лекин келиша олмади. Шунингдек, "Брайтон" ҳам хавбекни ўз таркибига қўшиб олмоқчи бўлди. 

Маълумот учун, Қудус якунига етган мавсумда "Аякс" сафида 42 та ўйинда майдонга тушиб, 18 та гол урди ва 7 та ассист амалга оширди.