"Челси" футболчиси А Серияга йўл олиши мумкин

"Челси" клуби чап қанот ҳимоячиси Эмерсон ёзда Италия А Сериясига йўл олиши мумкин, дея хабар бермоқда CalcioNapoli24 нашри.

Таъкидланишича, лондонликлар бош мураббийи Фрэнк Лэмпард 25 ёшли футболчи хизматларидан фойдаланмоқчи эмас ва клуб раҳбариятига уни трансферга қўйиш мумкинлигини маълум қилган.

Ўз навбатида, "Наполи" ёзги трансфер ойнаси вақтида қанот ҳимоясини кучайтиришни режалаштирмоқда ва шу сабаб Эмерсонга 3 миллион евро маошга эга 5 йиллик шартнома таклиф қилишмоқда.