"Челси" футболчиси номаълум муддатга дисквалификация қилинди

Лондоннинг "Челси" клуби футболчиси Михаил Мудрик допинг тестидан ўта олмагани сабаб, бир неча муддатга сафдан чиқарилди. 
 
Украиналик вингер допинг бўйича тест топширган эди, аммо натижа мусбат бўлиб чиқди. Бу хабарни "аристократлар" клуби ҳам расман тасдиқлади.  Ҳозирча "А" босқичида тақиқланган модда аниқланган. Агарда "Б" текширувда ҳам шундай бўлса, футболчи узоқ муддатга четлатилади.
 
Маълумот ўрнида, 23 ёшли ҳужумкор футболчи бу мавсум лондонликлар сафида 15 та ўйинда иштирок этиб, 3 та гол ва 5 та голли узатмага муаллифлик қилди. Унинг Transfermarkt порталидаги нархи 30 миллион еврони ташкил қилади.