“Челси” ҳайдаётган футболчи кетишга кўнмаяпти

“Челси” таркибида жиддий ўзгаришлар бўлади. Хусусан, ишончни оқлай олмаган бир гуруҳ ўйинчилар жамоани тарк этиши керак.

Манбаларнинг таъкидлашича, ўтган йили ёзда “Наполи”дан 33 миллион фунтга олинган Калиду Кулибали “Челси” асосий таркибига кира олмади. Бундан ташқари, сенегаллик футболчи “Наполи”дан кетиб,  Италия чемпиони бўлиш имкониятидан қуруқ қолди.

“Аристократлар” ёзда 31 ёшли футболчини сотиб юбормоқчи. Улар келаси мавсум ёш ҳимоячилар – Весли Фофан ва Бенуа Бадиашилга таянади.

Evening Standard нашрининг таъкидлашича, Лондон клубида катта маош олаётган Кулибали жамоани тарк этишга кўнмаяпти ва келаси мавсум ўзини кўрсата олишини таъкидламоқда.