"Челси" ҳимоячиси Лондон клубига ижарага берилади

"Челси" ҳимоячиси Бен Чилуэлл "Кристал Пэлас"га кўчиб ўтмоқда. Томонлар ўртасида келишув мавжуд, фақатгина кичик деталлар борасида музокаралар кетяпти, дея хабар берди "The Telegraph" нашри. Буни Фабрицио Романо ҳам тасдиқлади. 

Англиялик футболчи ушбу мавсум Премьер-лигада битта ўйинда қайдномага киритилди ва умуман майдонга туширилмади. Шу сабабли, унинг ўзи ҳам жамоани тарк этишга тайёр эди. "Кристал Пэлас" Чилуэллни ярим мавсумга ижарага олишга яқин турибди.

Бенни "аристократлар" 2020 йили "Лестер"дан 50 миллион еврога сотиб олганди. Фулбекнинг жамоа билан 2027 йилгача амал қиладиган шартномаси бор.