“Челси“ ҳимоячиси “Реал“ ёки ПСЖдан бирини танлаши керак

“Челси“ футболчиси Антонио Рюдигер клуб билан шартномани узайтириш борасида келиша олмаяпти. У ёзда эркин агент сифатида бошқа жамоага ўтиши кутилмоқда.

Хабар қилинишича, у раҳбариятдан катта маош сўраган. Бироқ жамоа унга юқори пул сарфлай олмаслигини маълум қилган.

Шу сабабдан ҳимоячи “Реал“ ёки ПСЖга ўтиш вариантини кўриб чиқмоқда. Германиялик истеъдод соҳиби унга фақат шу жамоалар ўзи истагандек маош бера олишига ишонмоқда.

Маълумот ўрнида, Антонио Рюдигер “Transfermarkt“ порталида 35 миллион еврога баҳоланган.