“Челси” Икарди учун 60 млн евро таклиф қилди

 

“Интер” жамоаси ҳужумчиси Мауро Икарди ўз фаолиятини Англия чемпионатида давом эттириши мумкин. Унинг хизматларига “Челси” қизиқиш билдирмоқда.

Daily Express нашрининг маълум қилишича, лондонликлар аргентиналик футболчининг трансфери учун “Интер”га 63 млн евро таклиф қилди. Бироқ миланликлар бу суммага розилик бермаяпти.

Икарди шартномасида унинг товон пули 100 миллион евро қилиб белгиланган. Аргентиналик форвардга, шунингдек, “Реал Мадрид” қизиқиш билдирмоқда.  

Маълумот учун, жорий мавсумда 25 ёшли ҳужумчи А Сериянинг 24 ўйинида 22 та гол уришга муваффақ бўлди.

Фикрлар

Фикр қолдириш учун авторизациядан ўтинг!