“Челси” жуда фойдали ўйинчи олди

“Лестер Сити” марказий ярим ҳимоячиси Кирнан Дьюсбери-Холл фаолиятини “Челси” клубида давом эттирадиган бўлди.

“Челси” матбуот хизмати расмий сайт орқали бу трансфер амалга ошганини тасдиқлади.

Айрим маълумотларга қараганда, Кирнан Дьюсбери-Холлга 2030 йилнинг ярмигача давом этадиган шартнома таклиф қилинган. Бу трансфер “аристократлар” учун 30 миллион фунтга тушгани айтилмоқда.

25 ёшли ярим ҳимоячи “Лестер Сити”га 2021 йили қабул қилинган эди. Ўтган мавсум Кирман барча турнирларда 49 та учрашувда қатнашиб, 12 та гол ва 14 та ассист муалифи бўлди.

Таъкидлаш жоизки, “Челси”нинг янги бош мураббийи Энцо Мареска илгари “Лестер Сити”ни бошқарган ва Кирнаннинг имкониятларини яхши билади.