“Челси” клубда 16 йил юрган футболчини ҳайдаяпти

“Челси” бош мураббийи Маурисио Почеттини клуб тарбияланувчиси Трево Чалоба билан хайрлашишга қарор қилди. Клуб раҳбарияти футболчига шу ёз ўзига бошқа жамоа топиши кераклигини айтди.

24 ёшли футболчи клуб тизимига 16 йил муқаддам – 8 ёшида қабул қилинган эди. Энди у “аристократлар” сафини тарк этиши керак.

Клуб мутасаддилари Тревога “Вест Хэм”, “Кристал Пэлас” ёки “Эвертон” вариантларини таклиф қилган. Бироқ, ҳимоячи “Челси”дан кетадиган бўлса, хориж клубларидан бирида тўп тепмоқчи.

Аввалроқ, Чалобага “Рома”,”Лион”, “Вольфсбург” ва “Наполи” каби жамоалар қизиқиш билдирган эди. Лондонликлар бу ўйинчини тўлиқ сотиб оладиган жамоа топилмаса, уни ижарага жўнатишни режалаштиряпти.