“Челси” кўп гол ураётган ҳужумчига кўз тикди

Истеъдодли ҳужумчи Флориан Балогун “Челси” скаутлари рўйхатига киритилди. Бу футболчи аслида “Арсенал”га тегишли бўлиб, мавсумни ижара асосида “Реймс” жамоасида ўтказмоқда.

Балогун жорий мавсумда Франция чемпионатида 18 та тўп киритиб, бир неча клублар эътиборини қозонди.

Шунга қарамай, “Арсенал” бош мураббийи Микель Артета 21 ёшли футболчининг хизматига эҳтиёж йўқлигини айтмоқда. Испаниялик мураббий бразилиялик форвард Габриэль Жезус Балогундан анча кучли эканига таъкидлаб, рақобатчининг асосий таркибдаги жойини кафолатлаб қўйди.

“Арсенал” раҳбарияти “аристократлар” сўраётган футболчини 40 миллион еврога қўйиб юборишга тайёр.