“Челси” мақсади йўлида ўзи тарбиялаган юлдузни “қурбон” қилади

“Челси” мутасаддилари қишки трансферлар вақтида “Атлетико”дан ижарага олинган Жоау Феликсни жамоада олиб қолиш йўлларини қидирмоқда.

Ижара шартномаси тузилган пайтда португалиялик ўйинчининг трансферини тўлиқ сотиб олиш ҳақида банд кўзда тутилмаган. Лекин лондонликларга ҳужумкор футболчининг ҳаракатлари маъқул келди. Энди улар мадридликларни тўлиқ трансферга кўндирмоқчи.

Marca нашрининг маълум қилишича, “Челси” Жоау Феликс учун 80 миллион евро таклиф қилган экан. Лекин кейинроқ бу суммани пасайтириш учункелишувга ўз тарбияланувчиси Мэйсон Маунтни қўшишга қарор қилди.

“Аристократлар” ярим мавсумлик ижара учун “Атлетико”га 11 миллион евро тўлаши керак. Бундан ташқари, англияликлар Жоаунинг 6 миллион евролик маошини ҳам ёпиши талаб этилади.

Фикрлар

Фикр қолдириш учун авторизациядан ўтинг!