"Челси" мухлислари АПЛдаги бу ўзгаришдан нега ғазабда?

Премьер-лиганинг янги мавсуми бошланди. Биринчи турдан сўнг "Брайтон» биринчи ўринни эгаллаб турибди. "Чайкалар" "Эвертон"ни 3:0 ҳисобида мағлуб этишди. Шунингдек, "Арсенал", "Ливерпуль", "Манчестер Сити", "Астон Вилла", "Брентфорд", "Манчестер Юнайтед" ва "Ньюкасл" уч очкодан жамғаришди.

Биринчи турда Премьер-лига намойиши масъуллари янги ўзгаришни тақдим этишди. Ҳар бир клуб учун гол урилганда ҳисоб ёнида пайдо бўладиган махсус анимациялар ишлаб чиқилди.

Инглиз футболи мухлислари жамоаларнинг анимациялари ҳақида аллақачон яхши фикрда.

Ушбу анимацияларнинг махсус кўринишини қуйидаги ҳавола орқали томоша қилинг: https://t.me/+c8Wy9pWGHZE2OTgy

Бир неча мухлислар ўз клублари учун тайёрланган анимациялардан мамнун эмас.

Айниқса "Челси" мухлислари ғазабда:

•  "Челси учун бошқа нарса топа олмадингизми?”;
   
•  "Энг ёмон анимациялардан бири "Челси"да . Одатда шундай бўлади, шунчаки байроқ";
   
•  "Биз махсус анимация бўлмаган ягона клубмизми? Бу даҳшатли";
   
•  "Улар "Челси" ва "Ипсвич" учун ҳеч нарса қилишмаган. Бу қандайдир адолатсизлик".

Бироқ кўпчилик футбол ишқибозлари бу ўзгаришни ижобий баҳолашди:

•  "Арсенал" учун тайёрланган анимация ажойиб!"; 
   
•  "МЮ графикаси ноодатий кўринади. Мен бу "қизил иблислар" эканини яққол пайқадим";
   
•  "Ҳар бир анимация ажойиб кўринишда. Шунинг учун ҳам Премьер-лига дунёнинг энг яхши лигаси";
   
•  "Сити" учун анимация бундан-да яхшироқ бўлиши мумкин эди. Мен фонда кўк ой билан мовий денгизда сузиб юрувчи кемани акс эттирган бўлардим".