“Челси” МЮ рад этган юлдузни олади

Анча муддат Жейдон Санчо учун курашган “Манчестер Юнайтед” жамоага Амад Диалло олиб келинганидан кейин “Боруссия” юлдузини олиш фикридан қайтган эди.

Энди бундан Томас Тухель фойдаланиб қолмоқчи. Қолаверса, “Боруссия” раҳбарияти Санчо учун белгиланган 108 миллион фунт миқдоридаги трансфер суммасини 88 миллион фунгача пасайтиргани ҳам “Челси”нинг қизиқишини оширди.

Жейдон Санчо жорий мавсумда ўтган йилги самарадорлигини намойиш эта олмаяпти. 20 ёшли футболчи бу гал 18 та учрашувда атиги учта гол урди. Шунингдек, у жамоадошларига етти марта голли пас ҳам оширган.