"Челси" Осимхен трансферига Пулишични қўшмоқчи

"Челси" ёзда "Наполи" футболчиси Осимхен учун курашмоқчи. Лондон клуби ҳужумчининг нархи қимматлиги боис унинг трансферига Пулишични қўшишни ўйламоқда. Бу ҳақда "CalcioMercatoweb" нашри хабар берди.

Нигериялик футболчи ушбу мавсуми кўтарингки кайфиятда ўтказмоқда. У неаполликлар сафида 29 та ўйинда майдонга тушиб, 25 та гол урди ва 5 та ассист амалга оширди.

Пулишичнинг келажаги ҳам аниқлашиб бормоқда. У "аристократлар" жамоасини тарк этишга яқин. Вингерга кўп ўйин амалиёти берилмади ва яхши таклиф бўлса, кетишни мақсад қилган.