“Челси” ўз ўйинчиси учун “Сити”дан катта сумма талаб қиляпти

«Челси»нинг ўнг қанот ҳимоячиси Мало Гюстога Англия Премьер-лигасининг яна бир клуби –  «Манчестер Сити» қизиқиш билдирмоқда.

«Шаҳарликлар» ҳимоянинг ўнг қанотини кучайтиришни режалаштирмоқда ва француз футболчисини бир нечта вариантлар қаторида кўриб чиқмоқда. Улар орасида «Ньюкасл» ҳимоячиси Тино Ливраменто ҳам бор.

Журналист Бен Жейкобс маълумотига кўра, «Челси» Гюстони сотиш имкониятини кўриб чиқишга тайёр, аммо унинг трансферидан камида 45 миллион фунт стерлинг (52 миллион евродан ортиқ) ишлаб олишни хоҳлайди.

Клуб аллақачон келишувга эришган Марко Палестранинг трансфери Мало Гюстонинг кетиш эҳтимолини янада ошириши мумкин.

23 ёшли футболчи ўтган мавсум Лондон клуби сафида барча мусобақаларда 48 та ўйинда қатнашиб, 3 та гол ва 5 та голли узатма муаллифи бўлди.