"Chelsi" prezidenti "Arsenal" yulduzini yo‘ldan urmoqchi

“Football London” nashri berayotgan ma’lumotlarga ko‘ra, “Chelsi” Bukayo Sakani qo‘lga kiritishga harakat qilmoqchi.

Uning amaldagi shartnomasi 2024 yilda o‘z nihoyasiga etadi. “Arsenal” klubi u bilan shartnomani uzaytirishga urinmoqda.Ammo Tod Bouli vingerga yaxshiroq taklif bermoqchi va shu orqali hamshahariga kuchli zarba bermoqchi.

“Kanonirlar“ tarkibida 2019 yildan buyon harakat qilib kelayotgan futbolchi ushbu mavsumda jamoaning asosiy o‘yinchilaridan biriga aylanib bormoqda.

Saka bu mavsum barcha chempionatlarda 13 ta o‘yinda maydonga tushib, 5 gol va 4 ta asisst amalga oshirdi.