“Челси” қишда жамоани қутқарадиган ўйинчиларни олиб келади

“Челси” ёзги трансферлар вақтида янги ўйинчиларга энг кўп пул сарфлаган жамоа бўлса-да, кутилган натижага эриша олмаяпти.

“Аристократлар” трансферларга 440 миллион евро харажат қилган эди. Бош мураббий Маурисио Почеттино ҳали улардан яхлит жамоа шакллантира олгани йўқ. “Челси” чемпионатни муваффақиятсиз бошлади.

Маурисио Почеттино январда яна ўйинчи олишини маълум қилди.

- Клуб хўжайинлари ва спорт директори билан муносабатларимиз жуда яхши. Мен уларга трансферларда фаол қатнишишим кераклигини айтдим.

Ҳозир қишки трансферлар устида ишлаяпман. Бизга кимлар кераклигини аниқлаб олишим лозим. Шунингдек, Нкунку ва Броянинг тикланишини тезлатишимиз талаб этилади. Улар билан кўпроқ гол ура оламиз, - деди Маурисио Почеттино.