"Челси" раҳбарияти Лэмпарднинг қайтганига изоҳ берди

Хабарингиз бор, Фрэнк Лэмпард яна "Челси"га қайтди. У мавсум охиригача бош мураббий вазифасини бажарувчи этиб тайинланди.

"Челси" хўжайинлари – Тодд Бейли ва Беҳдад Эгбали Лэмпарднинг тайинланиши ҳақида қуйидагича баёнот берди.

“Биз Фрэнкни “Стемфорд Бриж”да кутиб олишдан хурсандмиз. У Премьер-лига ва клубимиз афсонаси. Доимий мураббий топиш бўйича пухта ва машаққатли жараённи давом эттирар эканмиз, мухлисларимизга мавсумнинг қолган қисми учун аниқ режани тақдим этмоқчимиз. Фрэнк бизни кўзланган маррага етаклайдиган барча хусусият ва фазилатларга эга”, — дейилади баёнотда.

Эслатиб ўтамиз, Фрэнк Лэмпард бундан аввал 2019/2020 йилги мавсумда бошидан 2021 йилнинг январь ойи охиригача “Челси”ни бошқарган. “Аристократлар” унинг қўл остида 84 та учрашувда майдонга тушиб,  44 та ғалаба, 15 та дуранг ва 25 та мағлубият қайд этган.