Ads

Хабарингиз бор бундан аввалроқ "Ювентус" клуби раҳбарияти жамоа бош мураббийи лавозимига "Челси" устози Маурицио Сарри номзодини ҳам кўриб чиқаётгани ҳақида хабарлар тарқалган эди.

The Telegraph нашрининг хабар беришича “аристократлар” 60 ёшли италиялик мутахассисни ватанига қайтариб юборишга тайёр. Фақат, бунинг учун “кекса синьора”дан 6 млн евро товон пули сўрашмоқда. Таъкидлаш керакки, Саррига шунингдек “Интер” ҳам қизиқмоқда.

Эслатиб ўтамиз, бундан аввалроқ “Челси” раҳбарияти мавсум якунлангач Саррини истеъфога чиқармоқчилиги ҳақида турли хабарлар тарқалган эди. Энди эса Лондон гранди унинг истеъфосидан ҳам пул ишлаб олишни кўзламоқда.

Айтиш лозимки, “Ювентус”нинг амалдаги бош мураббийи Массимилиано Аллегри мавсум якунлангач ўз лавозимини тарк этади.