“Челси” скаутлари “Лацио” – “Интер” учрашувига нега ташриф буюришди?

“Лацио” клуби ярим ҳимоячиси Сергей Милинкович-Савич фаолиятини Англия премьер-лигасида давом эттириши мумкин.

Италиялик журналист Николо Скиранинг хабар беришича “Челси” скаутлари “Лацио” – “Интер” учрашувида сербиялик футболчининг ҳаракатларини диққат билан кузатишган.

Айтиш керакки, Милинкович-Савичнинг римликлар билан амалдаги шартномаси 2024 йилга қадар имзоланган ва унинг трансфер нархи 70 млн еврога баҳоланмоқда.

Маълумот учун, “Лацио” Милинкович-Савични 2015 йил “Генк”дан 18 млн евро эвазига сотиб олган эди. У жорий мавсум 23 та ўйинда майдонга тушди ва 4 та гол ҳамда 4 та голли узатмага муаллифлик қилди.