“Челси” ва “Юнайтед” 198 та гол урган ҳужумчини талашмоқда

Кейинги пайтда кам гол ураётгани учун гранд клублар назаридан четда қолаётган “Лестер” ҳужумчиси Жейми Варди “Челси” ва “Манчестер Юнайтед” ўртасида талаш бўлмоқда.

Бу икки клуб 35 ёшли тўпурарни ўз сафига қўшиб олишга тайёр. “Лестер” молиявий  фэйр-плей қоидаларини бузмаслик учун бир неча ўйинчисини сотиб юбориши керак бўляпти.

“Тулки”лар асосий ҳужумчисидан ташқари дарвозабон Каспер Шмейхель, ҳимоячи Уэсли Фофана ва ярим ҳимоячи Жеймс Мэддисонни қўйиб юборишга тайёр.

Жейми Варди клублар миқёсидаги фаолиятида 425 та учрашув ўтказиб, 198 та гол урган ва 80 та ассист қайд этган. Вардининг бир йиллик шартномаси бор ва унинг трансфер суммаси 5 миллион еврога баҳоланмоқда.