“Челси” Холанднинг шогирдини олиб келади

“Манчестер Сити” тўпурари Эрлинг Холанднинг ўринбосари ҳисобланган Хулиан Альварес фаолиятини “Челси”да давом эттириши мумкин.

Fichajes нашрининг маълум қилишича, “аристократлар” 23 ёшли аргентиналик ҳужумчини ёзда ўз сафига қўшиб олмоқчи. Хабарларда “Челси” вакиллари бу трансфер учун 50 миллион евро тўлашга тайёрлигини айтилмоқда.

Альварес жорий мавсумда “шаҳарликлар” учун барча турнирларда 38 та учрашув ўтказиб, 14 та гол урди ва тўртта голли пас оширди. Бироқ, Хосеп Гвардиола учун таркибдаги асосий тўпурар Эрлинг Холанд  ҳисобланади.

Хулиан Альвареснинг “Манчестер Сити” билан амалдаги шартномаси 2028 йилнинг ярмигача тузилган.