“Chelsi” yana bir qimmatbaho xaridini arzon-garovga sotmoqchi

"Chelsi" hujumchisi Timo Verner "Leyptsig"ga qaytishga yaqin, deb xabar berdi “Sky Sport Deutschland”.

Manbaga ko‘ra, klublar o‘rtasidagi so‘nggi muzokara muvaffaqiyatli yakunlangan va transfer yaqin vaqt ichida amalga oshishi mumkin.

Qayd etilishicha, 26 yoshli germaniyalik 2022 yil Qatarda bo‘lib o‘tadigan jahon chempionatida yaxshi formada bo‘lish uchun nemis klubiga qaytmoqchi.

Forvardning transferi qanday tartibda amalga oshirilishi hozircha ma’lum emas. Bu katta ehtimol bilan sotib olish sharti bilan ijara asosida bo‘ladi.

6 avgust, shanba kuni Verner London klubining Angliya Premer ligasining 1-turidan o‘rin olgan “Everton”ga (1:0) qarshi o‘yin uchun ro‘yxatga ham kiritilmadi.

Eslatib o‘tamiz, hujumchi 2016 yildan 2020 yilgacha "Leyptsig"da o‘ynagan. Nemis futbolchisi 64 million evro evaziga London klubi safiga ko‘chib o‘tgan. U “buqalar” safida 156 uchrashuv o‘tkazib, 90 ta gol va 40 ta golli uzatma muallifiga aylangan.