“Челси” яна уч ҳужумчини танлади

Ёзги трансферлар вақтида Европа клублар орасида янги ўйинчиларга энг кўп маблағ сарфлаган “Челси” январда ҳам катта харидларни амалга оширмоқчи.

Малумотларга қараганда, бош мураббий Маурисио Почеттино клуб раҳбариятидан ҳужум чииғига маҳоратли ўйинчи олиб беришни сўраган.

Аргентиналик мутахассис уч ҳужумчи – “Брентфорд”дан Айвен Тоуни, “Астон Вилла”дан Олли Уоткинс ва “Лейпциг”дан Бенжамин Шешкони танлади.

Тоуни ва Уоткинс Англия Премьер-лигасида катта тажриба тўплаган ва “Челси” уларни олса, чемпионатга мослашиши учун вақт талаб этилмайди. Шешко Австриянинг “Зальцбург” жамоаси сафида 79 та учрашувда 29 та гол урганидан кейин ёзда “Лейпциг”га кўчиб ўтди.