“Челси” янги бош мураббий масаласини ҳал қилди

Жорий мавсумни барбод қилган “Челси” раҳбарияти тез орада жамоани аргентиналик мутахассис Маурисио Почеттинога топширади.

Таниқли инсайдер Фабрицио Романонинг маълум қилишича, томонлар ўзаро ҳамкорлик бўйича тўлиқ келишувга эришган.

Маурисио Почеттино ва клуб мутасаддилари ўртасидаги музокаралар бир ярим ой давом этди ва 51 ёшли мураббий “аристократлар”нинг узоқ муддатли лойиҳасига бошчилик қилишга розилик берди.

Почеттино ишни таркибни тозалаш, ўзига керакли ўйинчиларни олиб қолиш ва янги ижрочиларни таклиф этишдан бошлаши айтилмоқда.