"Челси" ёзда "Реал" футболчисини ўзиники қилиб олмоқчи

Лондоннинг “Челси” клуби “Реал” Мадрид ҳимоячиси Ашраф Ҳакимини ўз сафида кўрмоқчи. Бу ҳақда Daily Mirror нашри хабар тарқатмоқда.

Юқоридаги манбага кўра, “қироллик клуби” аллақачон 21 ёшли марокашлик футболчининг трансфери бўйича “аристократлар”дан расмий таклиф олган ва мавсум якунланмасдан туриб унинг келажаги борасида бирор қарорга кела олмаслигини маълум қилган.

Эслатиб ўтамиз, Ҳакими мавсумни “Боруссия” Дортмунд сафида ижарада ўтказмоқда. Transfermarkt сайти унинг нархини 60 млн еврога баҳоламоқда.